Comite pa Relacionnan di Reino di Tweede Kamer di Parlamento Hulandes ta bay tuma un decision awe riba e posponemento cu e parlamentonan di Aruba, Corsou y Sint Maarten a solicita.
Esaki segun un relato di portal digital, Curaçao Chronicle, cual a cita un vocero di e Comite kende a reporta e informacion aki na e website Hulandes, NU.cw.
E islanan kier mas tempo pa responde na e ley di Reino y e establecimento di e Organo Caribense pa Reforma y Desaroyo (COHO).
Tweede Kamer a ricibi un carta for di e islanan CAS den cual nan ta solicita formalmente pa pospone e entrega di e reporte riba e propuesta pa e ley di Reino. Ademas, Aruba tambe a solicita pa pospone e ley di Reino pa supervision financiero riba e isla (RAft).
E parlamentonan di tur cuatro pais por entrega un reporte por escrito den cual nan por haci pregunta tocante e legislacion na Secretario di Estado Hulandes pa Relacionnan di Reino, Alexandra van Huffelen.
E Oficina Nacional pa Hulanda Caribense a reporta na februari ultimo cu Aruba, Corsou, Sint Maarten y Hulanda a yega na un acuerdo riba entrega di e propuesta pa e ley di Reino. E islanan anteriormente a hala atencion riba un cantidad di preocupacion pa loke ta trata e cumplimento di e ley dentro di e orden legal constitucional, incluyendo sigura espacio di politica y autonomia di gobierno.
E solicitud pa pospone ta riba e agenda di e comite pa awe diaranson.
