Departamento di mediador di gobierno ta brindando su trabou di intermediacion pa yega na un entendimento entre gerencia di ASTEC y STA como sindicato cu ta representa e trahadonan di waf na Barcadera.
Ya caba dia 3 di maart ultimo nan a reuni urgentemente diahuebs y diabierna siman pasa nan a bolbe reuni pa busca un solucion na nan diferencianan. Awe nan ta bolbe reuni cerca mediador di gobierno.
Mediador di gobierno, Anselmo Pontilius a informa na Bon Dia Aruba cu sindicato STA a presenta un proposicion financiero nobo. Gerencia di ASTEC a bay internamente pa evalua si nan a acepta of nan tin un contraproposicion.
Pa tal motibo sr. Pontilius a convoca un reunion cu ambos partido pa awe mainta, caminda nan a keda informa cu si nan no por haya otro logicamente mediador di gobierno lo presenta un alternativa pa e partidonan bay evalua. Tambe el a laga sa cu aparte di asunto di salario tin un discusion riba asunto di part-time.
