Manera ta conoci tanto gobierno, como parlamento tabata en espera di e fecha oficial pa cuminsa cu tratamento di presupuesto 2025. Finalmente e fecha a ser fiha y awe Parlamento di Aruba ta cuminsa cu e tratamento di e presupuesto.
Segun e noticiero local, Noticia Cla, a indica awe ta cuminsa cu e presupuesto di ministerionan Husticia, Asuntonan Social, Labor, Integracion, Energia (minister Rocco Tjon) y Economia (minister Geoffrey Wever). Dialuna lo sigui cu Turismo y Salud (minister Dangui Oduber).
Manera ta conoci pa algun tempo gobierno y parlamento tabata en espera pa cuminsa cu e tratamento di e presupuesto. Y no solamente gobierno y parlamento tabata en espera di esaki, pero CAft tambe, ken pa motibo di e tardansa pa trata e presupuesto a manda un carta di aviso pa parlamento y pa gobierno, pidiendo atencion pa trata e presupuesto, prome cu 31 di maart.
Como cu CAft no a haya un contesta riba nan carta di aviso di parti di parlamento, nan a escala y a hiba esaki na Conseho di Minister di Reino cu na su turno a e instruccion na Aruba pa percura pa trata e presupuesto 2025 prome cu 31 di maart.
Aunke esaki tabata un advertencia, esaki ta algocu no lo a trece sancion directo pa Aruba, pero si lo por tin tabatin consecuencia si no lo a sigui e instruccion di Conseho di Minister di Reino y CAft.
“Esakinan no ta sancionnan directo den e sentido cu ta alerta Conseho di Minister di Reino. Pero nan ta enberdad consecuencianan, nan ta consecuencianan y cu esey e pais na final ta haci su mes daño, pasobra mester paga mas. Bo no por refinancia e fiansanan, bo no por drenta den contratonan nobo, y esey naturalmente no ta loke bo kier, y esey finalmente no ta bon pa e habitantenan di Aruba tampoco. Ya caba mi por scucha Aruba ta bisa, nos no ta haya ningun castigo di tur manera. P’esey nos mester preocupa,” presidente di CAft, Lidewijde Ongering a indica na e portal Noticia Cla.
