Awe nochi Aruba ta bay conoce e cancionnan ganador dedica na Aruba su himno y bandera. Riba e escenario di Plaza Betico Croes 27 mucha y hoben lo presenta nan composicion y deleita Aruba completo cu nan cancionnan.
Awe ta toca turno na e categoria infantil y hubenil di e Festival Un Canto pa Aruba su Himno y Bandera. Un total di 10 grupo folklorico lo compaña e 27 participantenan di e anochi.
Tin 4 diferente categoria den categoria infantil y hubenil cual ta 4-6 aña, 7-9 aña, 10-12 aña, y 13-17 aña. E festival ta pa tur mucha y hoben cu tin amor pa musica y cultura di Aruba.
E festival ta consisti di diferente ritmo cu un mucha y hoben por participa cune, e ritmonan ta esunnan tipico, cu ta; Wals, Tumba, Mazurka, Polka, Marcha, Tambu, Danza, Bolero, Mambo Arubiano y Calypso.
Manera ta tradicion awe nochi riba Plaza Betico Croes pueblo di Aruba por asisti pa no solamente disfruta di tur e presentacionnan, pero tambe pa disfruta di tur loke ta bay tin na e tentnan.
Como ta custumber ta bay varios tent cu ta bay ta ofreciendo cuminda crioyo, bebida, cosnan dushi, artesania, paña, souvenir y hopi mas.
