Awe pa 9 or di mainta parlamento lo trata un ley cu a keda trata y cambia den aña 2017 dor di parlamentario Marlon Sneek. E tempo ey e 12 parlamentario nan a vota voor pa cu e ley aki sin mira e consecuencia nan y a cambionan cu a keda haci na momento cu mester screen un persona pa e por ta un minister pa e por dirigi e pais aki den e miho forma cu tin.
Sinembargo aunke cu parlamento a vota voor e tempo ey , gobernador di Aruba tambe mester mira e ley aki y tambe pone su firma di aprobacion pa e ley aki haya balor, esaki no a sosode mirando cu e cambio di ley aki a keda haci precisamente pa permiti situacionnan cu no por permiti na momento cu un persona mester eherce e trabao como minister.
E ley ta uno hopi importante pa pais Aruba , e ley ta obligatoriamente stipula na ki momento un candidato no por wordo nomina como candidato pa bira Minister. Pues tin un resumen di criteria nan aki momento bo no por wordo nomina e asina yama “limitatieve opsomming”. Por ehempel e candidato pa bira Minister ta un sospechoso y ta bou investigacion e no lo por bira Minister. Parlamento di e tempo ey a scoge pa no pone un resumen cu criteria na ki momento bo no por wordo nomina como candidato pa bira minister. Tambe si bo tin un negoshi tampoco bo no por wordo acepta como minister.
En general Parlamentario Marlon Sneek a haci cambio den e ley y basicamente tur loke bo NO por/ mag paso ta contra di ley y contra principio di un pais, e parlamentario Marlon Sneek a bira cambia tur cos lo contrario. Gobernador na su turno no a aproba e ley aki tampoco. Sinembargo awe den parlamento lo bolbe trata e ley aki cu e cambionan haci.
