Amsterdam lo tuma medidanan nobo pa reduci e cifra di transmision di coronavirus den e ciudad, Minister Hugo de Jonge di Salubridad Publico a bisa riba dialuna anochi despues di Conseho di seguridad, loke a implica medidanan nobo cu lo wordo pasa awe.
Pa e momento Amsterdam lo ta e unico stad unda lo wordo aplica medidanan local nobo, pero segun De Jonge “ta posibel” cu otro stadnan lo aplica medidanan mas despues. “Loke bo ta wak ta cu e cantidad di infeccion ta aumentando den varios stadnan, ta necesario di preta e teugels, paso hunto nos tin cu sigura cu e virus no sigui crece” De Jonge a bisa tocante e medidanan den e capital.
Si anuncia medidanan nacional awe anochi, minister no kier a informa. E gabinete lo tuma un decision tocante esaki awe den parti mainta y prome minister Mark Rutte y De Jonge lo duna un conferencia di prensa pa 7pm.
Cifra di transmision ‘motibo di preocupacion’
Prome cu e consulta cu e 25 regionnan di seguridad, De Jonge a comenta cu e cifranan di infeccion ta ‘motibo di preocupacion’. “Nos tin cu tuma un serie di medidanan adicional pa sigura cu nos por contene e virus. Si yega asina leu cu ya nos no por haci esaki cu e medidanan actual, ta posibel cu nos lo haya nos mes den un lockdown parcial, y eynan ta unda nos no kier yega” De Jonge ta bisa.
