Minister di Medio Ambiente, Otmar Oduber a informa cu awe ta tuma luga e tratamento den Parlamento, tocante e ley riba producto emboteya cu plastic. E spirito di e ley ta pa stop esaki y bin cu producto bio-degradabel. E ley aki ta wordo trata awe den Parlamento caminda e ta spera cu por haya su aprobacion.
Den e ley nobo aki ta wordo specifica un maneho riba cual si por of no por, ya cu tin producto cu ta bio-degradabel, pero ta dura mas aña cu otronan. Pa e Minister, esaki no ta e idea. El a elogia cu prome cu e ley aki a wordo trata pa su eventual aprobacion, mayoria di nos comunidad ya caba a adapta nan mes na e procedura riba uzo di articulo di plastic, entre nan straw, cup, tayo, etc… y switch pa esun mas bio-degradabel.
Durante e preparacion di e ley aki minister a bisa cu nan a yega di papia cu diferente partner. Te hasta siman pasa nan a yega di reuni cu e asociacion grandi di esunnan cu ta bende e productonan aki na Aruba.
