(NLTimes) – E awa potabel na e municipalidad di Doorn, Utrecht, a keda contamina pa motibonan cu te ainda ta desconoci. E compania di suministro di awa Vitens a duna un recomendacion a causa di e contaminacion aki.
RTV Utrecht a reporta cu e awa ta contamina cu enterococci. Esaki ta bacteria cu por causa malestar den intestino y stoma den personanan cu tin un resistencia abao.
E mas di 10,000 residente di e area, cual ta parti di e municipalidad di Utrechtse Heuvelrug, a ricibi e conseho di herbe e awa potabel pa por lo menos 3 minuut prome cu consumi esaki. Apesar di e recomendacion pa herbe awa, e residentenan por baña y flush w.c manera ta custumbra segun Vitens.
Den e caso cu e residentenan tin keho di stoma of den intestino, a duna nan e conseho di bay dokter di cas pa asina por haya un reviso, mirando cu e bacteria aki por causa daño den e areanan aki. “Nos no por garantisa cu e awa ta di e miho calidad, nos ta purbando di ta safe. Personanan cu ta den un condicion ‘normal’, usualmente no tin keho ni molester di salud. Pa medio di herbe e awa prome cu usa esaki, bo ta elimina cualkier riesgo,” e compania a declara na RTV Utrecht.
