Pa prome biaha den historia, a aparece un plas di awa den e krater di Hawaii su volcan yama Kilauea; un suceso cu lo por señala e volcan su transicion pa un periodo di explosionnan masivo den futuro.
Despues di un siman di preguntanan tocante un pida colo berde den fondo di e krater di Halamaumau, antes e sitio di un lagun di lava, investigadonan a confirma e presencia di awa riba diahuebs, asina autoridadnan di e U.S. Geological Survey (USGS), a conta Associated Press diabierna ultimo.
No ta conoci kico e plas di awa lo nifica pa e evolucion di e volcan, segun cientifico di USGS, pero e oficialnan di USGS ta bisando cu no tin rason pa pensa cu actividad peligroso lo bay hisa of baha mirando e suceso cu e awa. Sinembargo, den termino largo, e plas lo por tin un efecto riba e actividad volcanico, segun Don Swanson, un di e cientificonan di USGS.
Un posibilidad lo ta cu e lava ta kentando e awa bou tera, creando eventualmente un otro lagun di lava. Lava lo por interactua cu e awa, cual lo causa explosionnan.
