Corsou ainda no tin un solucion pa procesa awa di desperdicio kimico. Esaki ta ser basha den ocean, como sifuera ta lo mas normal di mundo.
A pesar di e promesa di Minister Zita Jesus-Leito na 2018 di stop e descarga den lama.
Ursel Cordilia di Ministerio di Planeamento Urbano ta bisa cu Corsou tin un sistema anticua, construi pa Shell den añanan 1960. Cordilia ta splica cu e tempo ey, apenas algun bario tabata conecta cu e sistema aki. Pero despues di 1980 a conecta mas bario, y e instalacionnan aki no tabatin capacidad pa e aumento aki.
“E instalacionnan ta bieu. Tin varios parti cu mester reemplasa. P’esey nos a dicidi cu nos lo construi un instalacion completamente nobo, pero sin presupuesto anual, esey no lo ta posibel awo”, Cordilia ta bisa.
Esey ta nifica cu pa awo, e ministerio lo uza e fondonan disponibel pa reemplasa e partinan necesario. “Nos mester sigui cu purificacion di awa, y nos no por warda te ora tin suficiente fondo pa construi un instalacion completamente nobo”, Cordilia a bisa.
