Diabierna den careda di 11:30 mainta un avioneta turbo commander cu dos motor biniendo for di Venezuela a raporta un emergencia na toren di Airport Aruba. E capitan a capta cu un di e motornan a cuminsa keinta dimas y pa evita cualkier desgracia den aire a paga esaki. E capitan a cuminsa maniobra cu e avion pa yega Aruba, y pa 11:35 mainta e avioneta a aterisa sin ningun problema. Unidad di bombero a presenta di biaha na e avioneta y a tene un inspeccion tur cos tabata bon. Security di Airport a controla pista wak si tur cos ta clear y asina a habri pista bek pasa di 11:40 mainta.
