(NLTimes) – Un avion militar Hulandes cu a dirigi na Aeropuerto Internacional Hamid Karzai na Kabul, Afghanistan, no a logra aterisa eynan ayera. E situacion di seguridad riba suelo no a permiti pa e avion aterisa, segun Ministerio di Defensa a bisa.
Yegada di e avion ‘ta retrasa te proximo aviso’.
E avion tabata en ruta na e aeropuerto pa evacua hende for di Afghanistan, incluyendo interprete, personal local di e embahada y nan famia. Sinembargo, ta extremadamente caotico na e aeropuerto. Ehercito Mericano, cu ta controla e aeropuerto, a bisa cu mester tempo pa restaura orden. Personal militar Mericano y tira y mata al menos dos persona na e aeropuerto cu supuestamente tabata arma, segun oficialnan Mericano a bisa e Wall Street Journal. Al menos tres otro a fayece mientras nan tabata purba di wanta e avion despegando.
Anteriormente ayera, a mira centenares di persona rond di e pistanan di despegue y aterisahe. Oficialnan Ucraniano anteriormente a bisa cu nan tambe a asisti cu e evacuacion di algun personal Hulandes, sin specifica con hopi ni ken.
Hulanda a tuma accion demasiado laat
Gabinete Hulandes a tuma accion demasiado laat pa yuda hende na Afghanistan, segun organisacionnan di rescate. “Hulanda a lag’e escala pa demasiado largo’, segun consehero politico na e organisacion di ayudo Cordaid, Paul van de Berg, a bisa.
E capital Afghano, Kabul a cay den man di Taliban diadomingo. E Taliban ta mira Afghanonan cu a yuda paisnan occidental, incluyendo Hulanda, como traidor. Mester haci evacuacionnan lo mas rapido posibel, Van de Berg a bisa. “No tin ningun persona sinta den avion, solamente asina nan ta bay ta satisfecho. No tin tempo pa perde”, e consehero a insisti.
“Nos ta pidiendo pa duna atencion na e situacion, pero e urgencia no a parce di yega e Gabinete”, un vocero di VluchtelingenWerk a bisa. E organisacion no gubernamental (NGO) a bisa cu por a trata aplicacionnan pa asilo varios luna adelanta. Nan ta teme cu pa algun persona e ayudo por yega demasiado laat. “Y nos ta mira esaki realmente ocasiona pa decisionnan di e Gabinete.”
Tanto Cordaid como Vluchtelingenwerk tabatin speransa cu e centenares di Afghano kende a yuda Hulanda ta bay ta capaz di bandona e pais lo mas pronto posibel.
Un peticion pa permiti tur Afghano cu a yuda Hulanda na e pais a ricibi mas di 8.600 firma. Ta bay presenta esaki na Tweede Kamer awe.
Hulanda haciendo ‘tur cos’ pa trece hende back for di Afghanistan
E situacion ta ‘preocupante’ segun prome minister saliente, Mark Rutte a bisa mientras el a sali di negociacionnan di formacion di gabinete cu lider di D66 y minister di Relacionnan Internacional, Sigrid Kaag.
Rutte a bisa cu ta haciendo ‘tur cos’ pa trece personal di embahada, interprete y ‘otronan cu merece nos proteccion’ for di Afghanistan. E no a responde preguntanan pa detaye.
Kaag tampoco kier a bisa mucho riba e situacion. “Nos ta trahando pa saca hende”, el a bisa.
Minister di Defensa, Ank Bijleveld anteriormente a bisa cu a manda un avion pa recoge ciudadanonan Hulandes na e pais. Ayera el a clarifica cu ta trata di un brug aereo di varios vuelo.
Derk Boswijk, vocero di defensa pa CDA den parlamento, ta duda si esaki ta bay ta suficiente. “E situacion ta caotico y frustrante pa tur cu ta mir’e.”
