Avianca, e aerolinea principal di Colombia, a solicita ayera dialuna na autoridadnan hudicial pa declara ilegal e welga di mas di mita di su pilotonan, cu a afecta cerca di 100.000 pasahero.

“Nos ta spera cu e proceso di ilegalidad aki pasa y cu lo resolve esaki mas pronto posibel, cu e meta di logra reestablecemento di e servicio na nos pasaheronan,” Hernán Rincón, presidente ehecutivo di Avianca, a declara.

Alrededor di 700 di e 1.338 piloto di Avianca na Colombia, agrupa den e Asociacion Colombiano di Aviador Civil (ACDAC), un di e dos sindicatonan di piloto den e compania, a inicia diaranson pasa e paro di actividad den reclamo di mehoracion economico y di siguridad aereo.

Avianca, cu ta controla 60% di e mercado interno, a insisti cu e welga ta ilegal pasobra na su huicio e ta bay contra e norma Colombiano cu ta impedi paralisa un servicio publico esencial, y no ta conta cu respaldo di e mita mas un di e 8.500 trahadonan di e empresa.

E paro di actividad, cu e segun ACDAC por extende te 60 dia, y a inicia despues di e negociacionnan fracasa entre directiva y e sindicato.

Entre 20 y 24 di september 97.768 pasahero a keda afecta pa cancelacion di 1.088 vuelo nacional y internacional, ekivalente na 49% di e loke tabata programa, e compania a informa.

Mester a acomoda otro 12.877 pasahero cu otro aerolinea.


E paro di actividad ta afecta serio y gravemente e conectividad y e biaheronan, como tambe  economia y compatibilidad nacional, Avianca a bisa den un comunicado, cu a califica e demanda sindical como di ilegalidad, dilanti  Tribunal Superior di e Districto Hudicial di Bogota.

A pesar di e combersacionnan mientras e welga ta sigui, auspicia pa gobierno, e partidonan a fracasa den e buskeda di un acuerdo.

“Nan ta sinta na mes  nos ta bay insisti den e dialogo pero nos a bisa cu claridad cu esaki no por ta indefini,” e minister di Trabao, Griselda Restrepo, a bisa radionan local dialuna.

Algun sindicato a convoca pa ayera un marcha na Bogota den apoyo na e pilotonan di ACDAC.

Den cuadro di e negociacionnan fracasa cu ACDAC, e aerolinea a yega na un acuerdo cu e  Organisacion di Aviador di Avianca (ODEAA), cu ta agrupa e pilotonan restante.

De declararse la ilegalidad de la huelga, “Avianca va a despedir a quien no venga a trabajar. Quien no trabajó  no va a recibir un centavo”, manifestó el jueves el presidente de la compañía aérea, Germán Efromovich, a radios locales.