Segun resumen diario di Departamento di Salubridad Publico, DVG tocante e desaroyo di e pandemia di Covid-19 na Aruba, actualmente tin un averahe semanal di 12 caso nobo di e malesa pa dia.
E averahe di tasa di positividad semanal ta di 9 porciento pa dia, segun datonan di DVG.
Igualmente, DVG a informa cu segun su resumen di ayera, dies persona a recupera y a registra un total di siete caso nobo di e malesa causa pa e virus SARS-CoV-2, di cual tur ta residente. E cifranan aki ta representa un tasa di positividad entre nos residentenan di 13%.
E cantidad di caso activo di Covid-19 ayera tabata 145, y e cantidad di fayecido relaciona cu Covid-19 ta 171.
Actualmente tin na Aruba 10 persona hospitalisa pa ricibi tratamento adicional pa Covid-19. Di esakinan, cinco persona ta den Unidad di Cuido Intensivo ICU, mientras 5 ta riba piso general. Ademas na Colombia tin 16 pashent di Aruba hospitalisa den ICU pa Covid-19.
