(NLTimes) – E averahe di vacunacion den baby a disminui un poco aña pasa segun instituto di salud publico Hulandes RIVM.
E reportahe aki ta basa riba figuranan preliminar, sinembargo e vacuna di HPV a aumenta cu 6 porciento.
E participacion di baby den vacuna di MMR contra di sarampi, rubella y paperas y e vacuna DKTP contra difteria, pertusis, tetanus y polio a disminui cu 1 porciento aña pasa. Segun RIVM e medidanan di coronavirus por a hunga un rol importante den esaki. Afspraaknan pa vacuna por a ser posponi pa motibo cu tabatin mester di empleadonan otro caminda.
Aparentemente e pandemia no a afecta negativamente e vacuna contra di HPV, e papilomavirus humano, cual por causa varios forma di cancer. Pa januari di aña 2022, 70 porciento di mucha muhenan cu a ricibi invitacion pa vacuna contra di HPV a ricibi nan vacuna, Den aña 2024, e porcentahe aki tabata 64. Desde aña aki, ambos mucha muhenan y mucha homber por ricibi e vacuna contra di HPV den e aña cu nan cumpli 10 aña di edad.
Te cu awo, e pandemia ta aparenta di tin tiki impacto riba e campaña nacional di vacuna, pero RIVM te ainda ta preocupa. “Na Hulanda, nos ta kere cu e ta importante pa muchanan cuminsa nan bida saludabel. Vacunacion contra di malesanan contagioso ta parti di esaki,” Jeanne-Marie Hament, manager di e programa di National Vaccinacion Program na RIVM a expresa.
“E vacunacionnan aki ta ser investiga extensamente, nan ta sigur y nan ta efectivo. Nos tin prueba cu e vacunanan aki por sigui sanamente. Te hasta durante e brote di coronavirus,” Hament a declara. El a urgi mayornan pa vacuna nan yiunan. E vacunanan den e programa nacional di vacuna ta liber di tur costo.
RIVM lo publica e cifranan final relaciona cu e programa aki den juni.
