(NLTimes) – Autoridadnan Hulandes, Colombiano y Mericano hunto a intercepta 9.7 ton di cocaina den ocho operacion den lama Caribense. Nan a aresta diescinco persona di diferente nacionalidad, autoridadnan Colombiano a bisa.
Segun polis Colombiano, e droga tin un balor riba caya di 327 miyon dollar, of alrededor di 310 miyon euro.
Un accion di autoridadnan a resulta den mas cu 5 ton di cocaina intercepta den awa teritorial di Aruba. Autoridadnan a haya e droga flotando den awa. Cuatro otro operacion a enfoca riba fast motorboat traficando e droga.
Segun autoridadnan Colombiano, 109 ton di cocaina ya a keda confisca den Caribe e aña aki. Marina Hulandes ta involucra den un colaboracion internacional contra trafico di droga den Caribe pa hopi aña.
