(NLTimes) – Cuerpo policial a cera un red Hulandes usa den atakenan cibernetico na banconan di Ucrania y Ministerionan den e siman aki.
Dos compania involucra den e red aki a confirma esaki na BNR. Un di e companianan, SKB Enterprise, anteriormente a anfitriona e website di un movemento derechista extremista Vizier op Links, segun e noticiero.
Atakenan di e tipo DDoS a ser haci den contra di e autoridadnan di Ucrania diamars. Den un atake DDoS, e sitio ta sobrecarga cu trafico te ora cu esaki keda fuera di linea. Parti di e atake a bini for di Hulanda, BNR a descubri. Segun Ucrania, e ta e atake mas grandi cu e pais a yega di mira.
“E personanan cu a ataka a abusa di e rednan localisa na Hulanda. Kiermen, di e perspectiva di e victima, hopi trafico di e internet a bini for di Hulanda,” experto den seguridad cibernetico Rickey Gevers a bisa.
SKB Enterprise y Spectra BV, e companianan cu ta suministra e rednan na SKB, a cera e rednan aki Hulandes cumpliendo cu orden di cuerpo policial, nan a confirma na e noticiero.
SKB Enterprise tin un pasado hopi dudoso, Gevers a bisa na e noticiero. “SKB Enterprise anteriormente tabata involucra den controversia y sitionan malicioso. Por ehempel, el a anfitriona e website di un organisacion extremista derechista. Sitionan unda cu ta purba horta identidad di persona tambe tabata riba SKB Enterprise su rednan.”
E organisacion extremista den cuestion ta Vizier op Links. Den aña 2020 y 2021, e organisacion aki a publica e adres y detayenan personal di politiconan, cientificonan y docentenan, cual nan tabata sinti ta hopi iskierdista, pa asina hendenan por acosa nan na nan cas.
Segun Gevers, e no ta inusual pa e compania Hulandes aki haci un atake cibernetico den contra di Ucrania posibel y anteriormente provee servicio na un grupo extremista. “Cu e tipo di companianan aki, bo mester tin un limite abao, pa asina bo por renta rednan relativamente anonimo y na un prijs abao. E ta haci e tipo di practica aki posibel,” el a conta BNR.
