Rescatistanan Mexicano a logra saca e ultimo curpa cu tabata atrapa entre escombronan di algun edificio cu a cay a causa di e teremoto di 7.1 grado cu a sacudi Mexico dia 19 di september.
E rescate di e curpa a tuma lugar na un edificio di oficina na e bario Roma-Condesa, cu a keda destrui pa e sismo. Di otro banda poblacion ta spera cu gobierno di Mexico lo por cuminsa cu e labor di demolicion. Despues di e desastre hopi actividad na capital di Mexico y otro estado a cuminsa di nobo, y cu hopi temor pasobra mas di 1800 edificio a sufri daño grave. E prioridad di autoridadnan awor ta e reconstruccion.
