(NLTimes) – The Netherlands Authority for Consumers and Markets (ACM) a lansa un investigacion tocante Google su condicion pa proveedornan di aplicacion den e Google Play Store.
E regulador a ricibi kehonan for di aplicacionnan pa conoce hende cu fines romantico, cu nan no por usa un sistema di pago cu ta diferente na esun di Google, y a acusa e gigante den tecnologia di stroba competencia.
E kehonan ta bini for di Match Group, ken ta doño di e plataforma popular Tinder. E ACM ta e prome cu a investiga di e kehonan aki ta suficiente pa haci un investigacion den un posibel abuso di poder di parti di Google.
Segun ACM, Match Group tambe ta acusa cu Google ta prohibi cualkier referencia na otro opcionnan di pago dentro di e tienda di aplicacion pa Android, cual ta Google su sistema di operacion.
Match Group anteriormente a entrega un keho tocante e condicionnan cu Apple a impone riba e aplicacionnan aki den su App Store. Esaki a resulta den un boet di ACM di te cu 50 miyon euro. E regulador te ainda ta haya cu loke Apple a compromete pa haci den relacion di ofrece mas opcion den proceso di pago insuficiente.
Un vocero di ACM a enfatisa cu un proceso di 3 aña a tuma luga prome cu e boetnan a ser duna na Apple, y e ta leu di sigura cu e caso di Google lo tin un resultado igual.
Match Group ta rekeri di paga un comision di 15 porciento ora cu usuarionan inscribi pa e servicio paga den e Play Store. Google ta bisa den nan respuesta cu tin varios otro tienda di aplicacion pa Android cu no ta Play Store. Tambe e ta posibel pa ofrece aplicacion den Play Store unda cu no ta haci pago, pero cu si ta contene link pa cierto website unda e usuarionan por haci nan pago.
“Manera cualkier otro negoshi, Google ta cobra pa su servicionan,” e compania a responde via e-mail. “Hasta si bo no kier cumpli cu e rekisitonan di Google Play, Android ta ofrece varios otro alternativa cu ta permiti bo ofrece bo aplicacion na usuarionan di Android.”
