VENEZUELA (InfoBae).- Diaranson Vice-presidente di Venezuela Tareck El Aissami a informa cu a logra localisa e helicopter di polis cientifico, usa pa ataca sede di Tribunal Supremo di Husticia y Ministerio di Interior na un zona di costa cerca di Caracas.
“El a ser localisa na poblacion di Osma, estado Vargas (zona norte di costa). Te awor no tin ningun persona deteni, despues di haya e helicopter. Sin embargo nos tin ekipo di forsa special den e zona ey,” El Aissami a bisa. Helicopter ta bao proteccion di Forsa Arma Nacional (FANB).
Nestor Reverol, ministro di Interior, Husticia y Paz, a confirma cu nan a emiti un alerta cora pa captura di Oscar Perez, piloto di e helicopter, ken ta un inspector di Cuerpo de Investigaciones Científicas, Penales y Criminalística (Cicpc), cu a bula riba organismo di husticia y a lansa 4 granat riba dje.
