Soldat di Congo y Polis lo enforsa pa hende laba nan man y check si tin keintura awo cu tin un andansa di Ebola. Autoridadnan di Congo a declara un emergencia internacional di salud.
Soldat y Polis lo enforsa e cumplimento cu e regla nobo aki pa yuda contene e malesa cu a mata mas di 1.600 persona ultimo aña, segun informe di Coordinador di Ministerio di Salud, Dokter Aruna Abedi.
‘No ta posibel cu hende no kier laba nan man of check si nan temperatura ta mucho halto, specialmente awo den e momento critico di un andansa’, Abedi a bisa reportero di Goma.
E Organisacion di Salud Mundial (WHO) a declara un emergencia, cual ta algo cu ta hopi extraordinario, despues cu experto di WHO su comite a nenga na tres diferente ocasion pa recomenda emiti e declaracion. Esaki a frustra varios expertonan di salud kende tabata batiendo alarma pa lunanan largo.
Congo a hisa su uzo di soldat y Polis pa enforsa e regulacionnan contra e andansa pa algun residente y trahado di salud. Tin miedo cu gobiernonan den vecindario, manera esun di Rwanda y Uganda lo cera frontera pa via di e declaracion extraordinario aki, of tuma otro medida cu por afecta economia local. Congo su Minister di Salud a resisti e andansa manera un emergencia di salud. Gobierno di Rwanda a declara cu lo monitor e frontera entre e paisnan mas estrictamente pero cu trafico ta pasando manera normal.
Algun grupo di salud ta spera cu e declaracion lo pone cu lo trece esfuerso pa trece resistencia den comunidad. E fundacion medico Doctors Without Borders a bisa cu e andansa no ta bou control.
Esaki ta e di 5 declaracion di un emergencia internacional di salud den historia. Recien por haci mencion di e emergencia cu a anuncia entre 2014 y 2016 na West Africa cu a mata mas di 11.000 persona. Mientras tambe tabatin e emergencia di Zika na paisnan di continente America, e swine flu y polio.
