Cuidadonan di preso tin mas di dos aña cu nan no a purba di drenta den celnan di prizon di Alcacuz, Noord di Brasil. Nan tin hopi rason pa no drenta den cel. Cerca di 12 cuidado di preso mester cuida y vigila mas di 1500 prizonero, kendenan haya arma di candela, cuchiu, telefon y tur cos cu nan kier door di un tunnel. Riba dia 14 di januari un protesta di prizonero a laga 26 prizonero asesina y ainda autoridadnan no tin control den prizon.
“Autoridadnan a perde e control”, Vilma Batista , Cuidado di preso di Alcacuz y presidente di sindicato di empleado di prizon di estado di Rio Grandi do Norte, a afirma. Batista a papia tocante situacion den prizon y a bisa cu “ awo nan a perde control di tur edificio, caminda tin e prizoneronan. Prizoneronan ta esunnan cu ta manda den prizon y Alcacuz ta caso mas pio den crisis aki. Mesun problema cu a sucede na Alcacuz, ta sucede na tur prizon di Brasil, region mas grandi di America Latino y cu nan prizonnan ta biba den crisis cu matanza y protesta, cu a laga 130 prizonero morto desde prome dia di januari.
Autoridad no ta duna atencion na prizon. Den e prizon aki tin mas di 1550 prizonero den un edificio cu por wanta mil prizonero, so. Batista a bisa cu den prizon nunca nan tin mas di 12 cuidado di preso pa turno y cu cuidadonan nunca ta drenta pa algun zona di prizon, desde un rebelion cu a pasa na maart di aña 2015.
Mayoria di biaha cuidadonan di preso ta haya nan salario hopi laat y nan toren di vigilancia ta den mal estado, algun di nan no ta posibel uza nan. No tin mashin di X-ray pa controla tur bishita y a kibra e mashin pa controla cuminda. Prizon tin problema cu nan ekipo y no tin persona pa traha tampoco, Batista a bisa. Cuidadonan di preso ta purba di organisa tur prizonero den algun area, caminda nan no ta drenta. Autoridad a acepta cu Alcacuz no tin solucion.
Robinson Faria, gobernador di estado di Rio Grandi do Norte a bisa cu lo cera e prizon aki, pero despues nan logra finalisa construccion di 3 prizon nobo. Aunke te na momentonan aki nan a mobilisa un comision di siguridad, cu obhetivo di impone ordo y traha den algun reparacion. Prizoneronan a sali for di cel, prome cu problema cu a sucede dia 14 di januari. Nan a kibra tur porta, y uza e material ey, pa fabrica cuchiu. Awo cuidadonan di preso ta cera tur edificio cu yabi y algun biaha nan a purba drenta ora cu tin hopi funcionario den comision di trabao. Despues di e problema cu a sucede e cuidadonan di preso a laga cu tur prizonero haci cualkier cos den prizon.
Cuidadonan di preso no por drenta ningun momento, ora cu nan a purba pa rescata hendenan herida, nan no a logra na momento ey, y a laga algun brancard cay di afo. Polis a confisca telefon, droga, cuchiu, arma di candela, bala hinca den construccion di edificio, cu ta construi riba santo, cual ta pone cu e construccion di tunnel por bay na man. Autoridadnan a haya 4 tunnel. “Nos tin aki tur cos, y cacho tambe”, prizonero cu ta deteni pa acusacion di atraco a skirbi riba whatsapp.
Brasil tin den prizon mas di 620 mil persona den un sistema cu capacidad di 370 mil, segun a informa Ministerio di husticia na 2014. 40% di prizonero ta warda pa un huicio. Awo Brasil no tin hopi defensor publico y algun caso, sospechosonan tarda hopi aña pa haya un castigo.
Presidente Michael Temer a priminti pa construi 30 prizon nobo. Prizon nobo lo tin capacidad pa 25 mil prizonero so, un parti chikito di poblacion segun informe di 2014.
