(AP) – Matthew Perry a fayece a causa di efectonan agudo di ketamina, segun e resultadonan di un autopsia publica diabierna.
Los Angeles County Department of Medical Examiner a bisa den e reportahe di uatopsia cu Perry tambe a “hoga” den e parti di su pool,” sinembargo esaki tabata un factor secundario den su fayecimento, cual a ser declara como un accidente. Personanan cercano na Perry a conta e investigadornan cu e tabata pasando door di un terapia di infusion di Ketamina, un tratamento experimental usa pa trata depresion y ansiedad. Sinembargo e examinador medico a bisa cu e nivelnan di ketamina den Perry su curpa tabata den e rango usa pa anestesia general durante operacion y cu su ultimo tratamento 1 siman y mei prome cu e tragedia no ta splica e nivelnan aki. E droga tipicamente ta metabolisa den algun ora.
E reportahe ta bisa cu su malesa den curason y buprenorphine, cual ta usa pa trata desorden di uso di opioide tambe a contribui.
E cantidad di ketamina detecta “lo ta suficiente pa haci cu e por perde conocemento y perde su postura ademas di habilidad di mantene su mes riba awa,” Dr. Andrew Stolbach, un toxicologo medico di Johns Hopkins Medicine ken a revisa e autopsia bao peticion di The Associated Press. “Usa e tipo di droganan aki den un pool, specialmente ora bo ta bo so, ta extremadamente riesgoso y tristemente den e caso aki fatal,” Stolbach a bisa, ken a nota cu ambos ketamina y buprenorphine por ser usa cu siguridad.
E asistente a conta e investigadornan cu Perry no tabata malo, no tabatin ningun keho di salud y no a mustra evidencia di uso di alcohol of droga recientemente. Testnan postmortem di sanger a mustra cu tabatin “nivelnan halto” di ketamina den su sistema, cual por a subi su presion y afecta su impulso pa hala rosea. Buprenorphine, comunmente usa den adiccion di opioide y haya den nivelnan terapeutico den Perry su sanger, por a contribui
Perry a keda declara morto despues di ser haya na su cas na Los Angeles. Investigadornan a ehecuta e autopsia e siguiente dia. E actor a consumi droga den pasado pero “tabata liber di droga pa 19 luna” segun e reportahe.
