DEN HAAG (dutchnews.nl) – Dos auto sin chauffeur, uza den un experimento na Gelderland, awo ta wordo uza na aeropuerto di Weeze na Alemania, despues cu e test na Hulanda a wordo para trempan, e Volkskrant a bisa ayera.
Test uzando dos bus chikito, conoci como Wepods, a cuminsa na 2015 den un ruta entre e stacionnan di trein di Ede-Wageningen y e campus universitario. Sinembargo, e proyecto no a logra despega. E vehiculonan a dura mucho mas largo pa atravesa e distancia di 6.5km cu un bais, y planea a ruta riba caminda publico tabata hopi mas complica di locual a pensa inicialmente, segun e Volkskrant.
Na fin di aña 2017, e proyecto a wordo para, pero no por wordo describi como un fracaso, segun un vocero di e provincia, cu a inverti €4.1 miyon den e schema. “Nos meta tabata pa siña di esaki, y nos a haci esey” e vocero a bisa. Na Alemania, e Wepods lo pasa seis luna moviendo rond aeropuerto a traves di un distancia maximo di 3.2km.
