(AP) – Autonan ya caba sa con pa parkeer nan mes, adverti chauffeurnan cu cuminsa marea, stuur nan mes bek den e caminda corecto y te hasta propone ruta pa cierto destinacion. E autonan Mazda tin den desaroyo pa otro aña na Hapon sa ora cu e chauffer ta den haya un stroke of ataca di curason.

Pa aña 2025, e autonan tambe lo sa ki ora e chauffernan ta na punto di pasa den un problema di salud y adverti nan, segun e fabricante di e auto Hapones.

Loke ta involucra ta e datonan di e camara paden di e auto, sin mester haci uso di sensor di laser of otro tecnologia intruso. Y e lo ta ofreci den modelonan cu ta accesibel, no solamente vehiculonan di luho. E tecnologia ta prome di ta un di e sociedad nan mas avansa den mundo.

Mazda a conta reporteronan recientemente cu nan tabata trahando cu experto medico, incluyendo Tsukuba Uniersity Hospital, investigando e datonan di imagennan colecta pa saca afo con un chauffeur saludabel ta mustra, compara cu un chauffeur incapacita, diripiente doblando riba e stuur wiel.

Na momento di reconoce un problema, e Co-Pilot Concept, cual te ainda no tin un nomber oficial, lo hiba e auto un luga sigur unda cu e lo parkeer su mes automaticamente lo mas lihe cu ta posibel.

E auto lo pita, cu luz di direccional y hazard sendi, segun Mazda, aunke e senalnan di advertencia exacto te ainda no ta dicidi. Un yamada di emergencia lo ser haci na ambulance y polis tambe lo ser notifica.

Otro fabricantenan grandi di auto, incluyendo Volkswagen di Alemania y Hapon su fabricante di auto rival di Mazda, Toyota Motor Corp., tambe ta trahando riba desaroyo di un tecnologia similar.

Pa cu preocupacionnan di privacidad, e datonan personal no ta sali for di e auto, segun Mazda.

Takahiro Tachioka, e ingeniero encarga, a bisa Mazda ta trahando riba maneranan di por premira un problema di salud cu lo por ta biniendo aunke e chauffeur no ta consciente di esey ainda.

“Y e lo adverti e chauffeurnan prome cu e sintomanan cuminsa aparece,” el a conta e reporteronan orguyosamente.

“Sinembago, comprension y cooperacion di e chauffeur pa cu e auto aki ta crucial pa e tecnologia por funciona manera mester ta.”

Mazda ta spera cu e publico Hapones lo mira un chauffeur den problema y lo yuda e persona, ya cu ta asumi cu Hapon su pasion pa bienestar di e publico ta un caracteristica di Hapon.

E tecnologia lo empodera e pueblo pa por keda stuur nan mes henter nan bida, sin mester depende di otro hende, y yuda sigura cu famianan y amistadnan no mester preocupa, Tochioka a bisa. E hecho di ofrece Co-Pilot tambe lo permiti MAzda ricibi feedback di usuarionan di bida real, el a bisa.