Diaranson alrededor di 10:30 di mainta riba Avenida Watty Vos chauffeur a baha caminda y a dal contra trafico contrario. E señora tras di stuur di e auto cu a wordo gedal a desvia, bay dal contra di e barancanan cu tin net dilanti edificio di ex-Texas y bolter.
Automobilistanan den area cu a wak kico a sosode a core baha di nan auto pa yuda e señora, nan a bolter e auto bek riba su cuatro wielnan y a saca e señora for di e vehiculo.
Polis, Ambulance y Bombero a presenta na e sitio. E otro auto sospecha di a causa e accidente a bandona e sitio lagando su bumper pega na e auto cu el a pone bolter. Ta sospecha di un e auto color cora, model desconoci, tin e plachi number A-18844 riba e bumper pega. Polis di trafico ta investigando e caso aki.
