Den fin di siman a tuma luga un situacion unda cu un auto mal staciona riba parkeerplaats di hospital a wordo geklem. Segun vocero di hospital Charlaine Huntington, hospital tin un compania di seguridad cu ta traha pa nan, y nan a klem e auto.
Aunke cu na momento cu a papia cu Sra. Huntington e no por a confirma motibo exacto cu a klem e auto, el a bisa cu e motibo ta mustra basta obvio: E persona a para den dos vak. El a splica Bon Dia Aruba cu nan tin un compania di seguridad cu ta encarga pa controla e parkeerplaats. Ta mira si empleadonan ta para unda ta destina pa nan y si cliente ta para unda ta pa cliente entre otro.
E pregunta cu ta keda habri sinembargo ta si un compania cu no ta polis of Aruparking tin e autoridad pa klem auto. A tuma contacto cu polis pero no a logra comunica cu esun cu tin conocemento den e ley aki ainda.
