E vehiculo cu Princess Diana a fayece den dje tabata aparentemente uno cu a wordo re-construi, preocupacionnan di su seguridad a wordo ignora, segun revelacionnan nobo di un programa frances. E programa, ‘M6 Called Death of Diana’: The Incredible Revelation, a revela cu dos luna prome cu e morto di Princess Diana riba 31 di Augustus 1997, tabata tin un advertencia cu e auto no tabata den bon condicion mas pa core cu ne riba caminda.
E Mercedes Benz S280 preto tabata wordo uza door di clientenan na Ritz, di cual propetario Mohamed Fayed tabata doño. Su yiu tabata pareha di Princess Diana, Dodi Fayed. E auto tabata di compania Etoile Limousines, cual tabata ofrece chauffeurnan y autonan na Ritz. Un fotografo na Paris, Pascal Rostain ta bisa cu e auto aki tabata sumamente peligroso. E auto a wordo horta y accidenta mas prome den 1997 prome cu e accident cu a mata Princess Diana.
“E auto di Ritz tabata un desaster. Hende a yega di haya accident cu ne acaba te bolter tambe,” el a bisa. E auto tabata cla pa wordo deshaci di dje pero a bini ordo pa “re construi” e auto segun e fotografo ta bisa. E tabata wordo considera un auto peligroso pero esaki a wordo drecha y bendi na Etoile Limousines.
Investigacion ta bisa otro
Un investigacion di Scotland Yard den e asunto di e auto aki a wordo guia door di ex Comisario Lord Stevens anto a constata cu no tabata tin ningun problema cu e auto. Su reportahe cu a wordo publica den 2006 a conclui cu: “Examinacionnan Frances y di Britania di e Mercedes a mustra cu no tabata tin ningun problema mecanico cu e vehiculo cu por a causa of contribui den cualkier manera na e accident.”
Fuente: NEWS.AU
