Un persona a keda seriamente herida ayera den oranan di atardi despues cu un auto a dal’e riba caminda di Watty Vos Boulevard specificamente bayendo e rotonde di area di Ponton.
Polis a yega na e sitio di e sucedido mesora pa asina por cuminsa controla e trafico den e caminda aki, e auto envolvi a haya basta daño material den su windshield unda den diferente medionan di comunicacion por a mira cu e victima a keda benta cant’i caminda y tabatin mester di atencion medico urgente debi na e golpinan fuerte cu el a haya.
Ambulance a logra yega pa asina por stabilisa e victima prome y despues por a hib’e te hospital.
Debi na e magnitud di e impacto aki tanto pa e chauffeur como pa e victima, polis tambe a pone e chauffeur supla pa por demostra si e persona aki tabata stuur bao influencia di alcohol.
