(NLTimes) – Den parti nort di Hulanda, Aurora Borealis tabata visible alrededor di mey anochi ayera diadomingo. Meteorologonan ya a pronostica anteriormente cu e fenomeno tabata bay tuma luga weekend ultimo na Hulanda.
Weer.nl prome a ricibi reportenan di e Aurora Borealis for di Terschelling. Pa haci e anochi special completo, algun strea fugaz (shooting star) tambe a keda mira den e shelo briyante.
Algun observador a post potret di e shelo riba rednan social.
Aurora Borealis ta bira visible na momento cu particulanan electricamente carga for di solo ta drenta atmosfera di Tera cu velocidad entre 300 y 500 kilometer per seconde. Na momento cu e particulanan ta dal den atoom y moleculenan, nan ta crea ringnan briyante. Na momento cu e atoomnan di oxigeno den atmosfera di Tera ta bolbe nan estado original, nan ta emiti e luznan cu observadornan por mira na Tera.
Atoomnan di oxigeno ta causa luz berde y cora, mientras atoomnan di nitrogeno ta responsable pa luz color biña.
Hulanda ta e pais mas sur di Europa unda ainda por mira Aurora Borealis. Esaki ta mas comun na luganan mas leu den nort, manera Iceland, Noruega y Finlandia.
Potret: Twitter @SytseSchoustra y NOS
