Dr. Izzy Gersenbluth ta confirma cu sin cera aeropuerto ya turismo di Corsou a haya un sla duro. Niun turista no kier biaha bini Corsou mas pa vakantie pa motibo di e contagio nan cu tin actialmente cu dia pa dia ta crece na Corsou. Diaranson ultimo KLM a trece 41 persona y ayera merdia TUI ta bin cu 34 persona so pa Corsou. Esaki ta un situacion di preocupacion na Corsou. Aunke cu ta haciendo tur esfuerso pa vacuna mas hende cu ta posibel e cifranan te ainda no ta baha manera cu nan mester baha.
Dr. Izzy Gersenbluth ta haci un apelacion na comunidad completo di Corsou pa nan vacuna y tambe mantene nan mes na e reglanan cu tin di COVID, manera laba man constantemente, bisti mask y keda cu e distancia di 1.5 meter for di otro. E situacion aki di COVID no ta uno facil pa Corsou, pero pa mundo tampoco. Sinembargo si conhuntamente sigui e instruccionnan , keda paden den cas hunto lo por vence e virus aki. Actualmente Corsou no a sera su aeropuerto, pero tampoco no ta generando e bishitantenan manera debe ser, dia pa dia menos turista ta scoge corsou pa bishita y esaki ta un situacion delicado pa e economia di Corsou.
