(NLTimes)—Labor sexual ilegal ta aumentando den Hulanda como mas y mas trahado sexual ta ofrece nan servicionan na cas, hotel y barnan di massage, segun AD ta reporta. Autoridadnan ta preocupa tocante explotacion.
Segun Wetenschappelijk Onderzoek- en Datacentrum , algun 27,000 aviso di labor sexual a ser publica online na 2021. Solamente “un porcion hopi chikito” a mustra indicacion cu e trahadonan sexual envolvi tabatin un permiso pa ofrece e servicionan. Ningun cifra mas bieu tabata disponibel. Sinembargo, e cantidad di negoshi sexual no registra a reduci pa casi mita entre 2000 y 2014, indicando un cambio, segun e corant.
E cambio ta haci supervision y implementacion increiblemente dificil, te hasta imposibel. Trahadonan sexual ta ofrece servicionan riba diferente plataforma, y tin hopi aviso duplicante, haciendo e casi imposibel pa sa exactamente con hopi trahado sexual ta trahando sin un permiso. Y esey ta aumenta e riesgo di explotacion, segun e National Rapporteur on Human Trafficking.
E municipio di Den Haag a mira crecemento enorme den e industria sexual no registra dentro di e ciudad pa varios aña, specialmente desde e pandemia, ora trahadonan sexual tabata severamente limita pa preveni e plamamento di e coronavirus. Den Haag tin plan pa kita burdelnan di bentana den e ciudad. Sinembargo, varios politiconan local ta preocupa cu esaki lo crea mas trabao sexual ilegal. “Pasobra mas y mas luga di traha safe ta disparciendo, trahadonan sexual ta forsa di traha den e sector ilegal,” segun Kim Vrolijk di e partido local Haagse Stadspartij a conta e corant.
Vrolijk mes ta traha como trahado sexual. “Y e chens ta minimo cu trahadonan sexual lo stop di traha ora e bentananan cera. Esey ta nifica cu tin mayormente un cambio tumando luga. Y esaki ta nifica cu trahadonan sexual ta disparce for di e bista di gruponan di ayudo. Tin mas insiguridad: luganan registra tin bon acceso na servicionan di emergencia a caso tin problema.”
