(NLTimes) – Miles di persona a monitor nan yiu, ex pareha of otro persona cu un programacion crea pa stalk, yama ‘stalkerware’ aña pasa segun loke e programa di consumidor Kassa a reporta.
Sinembargo, pa hopi esaki ta representa un invasion masivo di privacidad mirando cu esaki ta duna e usuarionan di e programa acceso completo na e dispositivo di e persona den nan mesun hogar of fuera di esaki. Mayoria biaha, e programa ta ser usa como un programacion pa controla dispositivo di yiunan. Esaki ta crea un gran menasa na e muchanan su siguridad.
Esaki por keda enfatisa pa e 4 companianan di siguridad mas grandi den e pais manera Bitdefender ,Avast, Esert y Kaspersky. Esaki ta pa motibo cu casi tur compania di siguridad por a mira un aumento den deteccion di ‘stalkerware’ den añanan recien. Specialmente durante e pandemia di coronavirus e uso a aumenta.
Bitdefender so a detecta 2657 dispositivo infecta, cual ta un aumento di 260 porciento compara cu 2021. Avast tambe a mira e cantidad di deteccion aumenta dobel compara cu 2021. Solamente na Kaspersky e deteccionnan a keda mas o menos mescos, e NPO 2 programa pa consumidor a reporta. Sinembargo e cantidad cu no a ser reporta ta hopi mas halto ainda, mirando cu mayoria usuario no tin un scanner antivirus instala den nan smartphone.
Segun e experto di siguridad cibernetico den violencia domestico SafetyNed, mas y mas persona ta haciendo uso di e programacionnan aki pa mantene bista riba nan ex pareha. E organisacion ta haci yamado na proteccionnan pa sigura cu victimanan di violencia domestico no tin un di e programanan aki instala fuera di nan conocemento.
