(NLTimes) – Falta di presenta na trabao pa causa di salud mental ta casimente back na nivelnan pre-pandemia. Sinembargo e cantidad di persona cu ta falta trabao pa causa di nan salud mental ta aumento drasticamente, NU.nl a reporta basa riba figuranan di salud y siguridad cu HumanCare Capital y ArboNed ta provee.
Falta di presenta na trabao pa causa di problemanan di salud mental ta actualmente 10 porciento mas halto compara cu e mesun periodo prome cu coronavirus den aña 2019. “Esaki ta hopi,” segun Dokter di compania y directo di asuntonan medico na HumanCare Capital Juriaan PEnders a declara. “E cantidad di falta di empleo pa causa di salud mental ta aumentando den e cantidad total.”
Segun Penders, e tipo di falta aki hopi biaha ta causa pa presion halto di trabao y stress. “Cual ta relaciona cu e escasez di empleado den e mercado di labor.” Aunke no tur cos ta relaciona cu trabao, el a agrega. “E ta sociedad henter. Personanan tin preocupacionnan. E ta dificil pa participa. Sociedad ta pidi hopi for di nos.”
E cantidad total di falta di empleado pa causa di malesa na Augustus tabata un poco mas halto compara cu e mesun luna den aña 2019. “E diferencia aki por grandemente ser splica pa e falta di persona na trabao causa pa Long Covid,” Penders a bisa. Segun su persona, coronavirus casimente no ta afecta e cantidad di persona riba AO.
