(NLTimes) – Varios campaña di marketing pa alerta residentenan di Hulanda tocante siguridad den trafico a tin tiki efecto. E boetnan na motoristanan y ciclistanan pa uso di nan smartphone den trafico a aumenta drasticamente aña pasa segun loke polis a reporta.
Polis a otorga 115,575 boet na motorista cu a ser gara ta usa nan dispositivo mientras nan ta stuur den aña 2022. Esaki ta 35 porciento mas cu e 85,329 boet den aña 2021. Ciclistanan a ricibi 53,207 boet aña pasa cual ta un aumento di mas o menos 15 porciento compara cu 46,313 den 2021.
E aumento drastico den boet na chauffeurnan ta primeramente causa pa e aumento den uso di smart camera den trafico cu ta catch e chauffeurnan cometiendo violacionnan di ley di trafico, Paul Broer di Polis Nacional a bisa. E aumento aki tambe por tin di haber cu e medidanan di coronavirus cu te ainda ta den efecto den aña 2021. Den e aña aki, Hulanda a bay den lockdown varios biaha cual ta nifica menos trafico riba caya.
E personanan cu a ricibi boet pa uso di dispositivo tras di stuurwiel lo paga mas e aña aki, cu e boet aumentando di 350 pa 380 euro.
