(NLTimes)—Salud publico Hulandes ta experenciando efectonan significante di cambio di clima, cu un aumento den temperatura y radiacion di rayonan UV, y e plamamento di malesa infeccioso poniendo mas presion riba salud publico, segun un rapport pa e Rijksinstituut voor Volksgezondheid en Milieu (RIVM).

“Cambio di clima ta empeorando caba e salud publico na Hulanda,” e rapport ta bisa. “Esaki ta evidente den varios area di salud, incluyendo mortalidad, malesanan respiratorio, malesanan infeccioso y salud mental.”

E rapport ta examina e efectonan di cambio di clima riba salud entre 1991 y 2020. E ta identifica calor extremo, pio calidad di aire, temporada di alergia prolonga, y e aumento di malesanan infeccioso como e riesgonan clave pa residentenan Hulandes. E descubrimentonan, basa riba 30 aña di data, ta indica cu e trendnan aki lo probablemente intensifica durante e proximo añanan.

E evidencia mas fuerte di cambio di clima ta bin for di un aumento den morto relaciona na calor. E rapport di RIVM a descubri cu un aumento den temperatura y olanan di calor mas largo awor ta contribui na un averahe di 250 morto adicional pa aña.

Cambio di clima a empeora calidad di aire y problemanan di salud relaciona na alergia, segune rapport. Tempo calor y seco ta ser acompaña frecuentemente pa nivelnan halto di pollen y ozone, cual por causa problemanan respiratorio, particularmente entre individualnan cu condicionnan existencia manera asma y enfermedad pulmonar obstructiva cronico (COPD).

E rapport tambe ta subraya un preocupacion den e aumento di exposicion na radiacion UV, atribui na oranan largo di solo, menos nubia, y un aumento den actividadnan pafo durante tempo calor. Exposicion prolonga na UV por aumento riesgo di cancer di cuero.

Cierto malesa infeccioso tambe ta birando mas prevalente debi na cambio di clima. Malesa Legionnaires, causa pa e bacteria Legionella, ta un ehempel. E bacteria ta florece den awa cayente y por ser inhala via mist, manera durante yobidanan fuerte.

E rapport tambe a cita salud mental como un area di preocupacion conecta cu cambio di clima. E aumento den e menasa di tempo extremo y e stress di maneha e cambionan aki por afecta salud mental na manera negativo. Individuonan afecta pa tempo severo of ken ta experencia incertidumbre prolonga por sufri di ansiedad, depresion of otro condicion mental.