Aumento di presion laboral ta e consecuencia mas grandi di falta di personal, segun doñonan di trabao

(nltimes.nl) – Mas presion laboral riba e personal actual ta keda e consecuencia principal cu doñonan di trabou ta experiencia for di e mercado laboral preta.

Mas di 71% di doñonan di trabou na Hulanda ta experiencia e falta di personal y mayoria tin dificultad ainda pa haya personal, segun estadisticanan di Hulanda di CBS basa riba un encuesta realisa cu Camara di Comercio y organisacionnan di dunadornan di trabou EIB, MKB-Nederland y VNO-NCW.

Aumento di presion laboral a sali como e consecuencia principal di e falta di personal riba escala grandi, cu 29% di e negoshinan indicando esaki como number un. Pero, menos negoshi tabata preocupa tocante esaki den casi tur sector. Solamente den agricultura y pesca a expresa preocupacion tocante e aumento di presion di laboral. Negoshinan den benta ta indica regularmente cu e carga di trabou mas halto ta e consecuencia principal di falta di personal (43%).

Negoshinan den e sector di hospitalidad, y informacion y comunicacion ta considera e aumento di costo di trabou como e consecuencia mas grandi di falta di personal. Esaki tambe a crece significantemente den e sectornan di mineria, benta y reparacion di auto, y construccion y industria.

Na comienso di e di tres kwartaal, mas di 71% di e negoshinan tabata lucha cu e problema di falta personal. Esaki ta un tiki menos cu e 75% di aña pasa y 84% di 2022. Den mayoria di e sectornan, tin menos negoshi cu tin falta di personal den comparacion un aña pasa. E disminuicion tabata mas grandi den hospitalidad (for di 85% pa 69%). Solamente e sector di construccion a mira un aumento.

Mayoria di e negoshinan tin dificultad pa haya personal pa yena nan vacatura, aunke e obstaculonan cu nan ta topa ta varia. Mayoria (23%) ta indica cu e cantidad di persona cu ta buscando trabou ta limita, specialmente den e sector diconstruccion (35%) y transporte y almacenamento (29%).

Mas di 17% ta bisa cu nan no por haya hende cu tin e cualificacion corecto, particularmente den e sector di e benta y reparacion di auto (30%) y industria (26%). Y 12% ta bisa cu e posibel empleado tin demandanan mas halto cu loke nan por of ta desea di ofrece. Esaki particularmente ta un problema pa e doñonan di trabou den e area di mineria (28%) y informacion y comunicacion (22%).

E escasez den e mercado laboral Hulandes ta keda e obstaculo mas grandi pa operacion di negoshinan na Hulanda, aunke e porcentahe di negoshinan cu ta pone esaki como number un a disminui den e ultimo aña. Na comienso di e di tres kwartaal di 2022, casi 48% di e negoshinan a pone falta di personal como number un. E aña aki, esaki tabata un tiki mas di 35%.