CHINA – E mercado di balor di China a subi dialuna, despues di e decision di presidente Donald Trump di pospone implementacion di un tarifa halto riba importacion di China, y e medio estatal a expresa speransa cu e lucha cu Washington pa ambicion di tecnologia di Beijing por resolve.
Otro mercado financiero, manera Europa y Asia, a registra ganashi modesto despues di anuncio di Trump, cu combersacion di Washington a haci ‘un progreso substancial’
E conflicto ta menasando pa interumpi e comercio mundial y debilita crecemento economico. Washington ta acusa Beijing di horta of presiona companianan stranhero pa haci entrega di tecnologia.
Administracion di Trump kier pa China stop cu plannan pa creacion, lidera pa gobierno, di lidernan global den robotica y otro tecnologia, cual su socionan comercial ta bisa ta viola e obligacionnan di comercio liber di Beijing, y algun oficial Mericano ta preocupa cu lo por daña liderazgo industrial Mericano.
President Trump a bisa cu lo pospone e deadline cu tabata riba dia 1 maart, pa subi 10% impuesto riba importacion for di China di 200 biyon pa 25%, pero e no a establece fecha nobo. El a agrega cu lo tuma mas tempo pa soluciona e negociacion.
Si avance tuma luga, e lo reuni cu presidente di China, Xi Jinping, na su resort na Florida pa finalisa e acuerdo. “Si tur cos ta funciona bon, nos lo tin un gran noticia pa aki un of dos siman. Nos tin ainda un caminda cortico pa core”, president Trump a bisa.
Si ambos yega na un compromiso di comercio, e relacion tambe lo mustra afecta pa e tecnologia, inversion y geopolitica. E dos economia mas grandi di mundo a aumenta miles di miyon di dollar den nan producto.
