(CaribbeanNewsNow) – Exportacion di Latino America y Caribe en general a aumenta cu alrededor di 13% na 2017 y ta yegando e marca di US$985 biyon. E aumento fuerte aki ta contrasta cu e 3,3% di reduccion di 2016, segun e informe “Trade Trend Estimates for Latin America and the Caribbean”, un informe nobo publica pa Banco Interamericano di Desaroyo (BID; IDB na Ingles).
E splicacion principal pa e crecemento aki ta e recuperacion di exportacion pa China, cu a aumenta cu 30%, y pa Merca, cu a crece cu 10%. E dos mercadonan aki ta cubri dos tercera parti di e crecemento total. E crecemento di 12% den fluho comercial intraregional tambe a contribui significantemente na prestacion economico di comercio den region.
“China su compranan den region Tabata esunnan mas dinamico, ya cu nan ta abarca principalmente materia prima, cu a mustra un aumento fuerte,” Paolo Giordano, economist principal na Sector di Comercio y Integracion di BID cu a coordina e informe. “Volumen general di exportacion a subi 4%, cu ta marca e fin di un periodo largo di stagnacion. Sinembargo, crecemento tabata concentra den un man yen di pais.”
Na nivel sub-regional e informe ta indica cu exportacion a acelera fuertemente na Suramerica, cu a mira aumento di 16%, den contrasta cu un caida di 4,5% na 2016. Crecemento Tabata mas fuerte na Venezuela, Peru, Colombia, Brazil, y Ecuador. Exportacion pa China y Merca cu a crece cu 30% y 18% respectivamente, Tabata mas dinamico y ta splica mas di mita di tur crecemento.
Exportacion di Caribe a crece cu 11%, compara cu un contraccion di 17% na 2016. Exportacion di Mexico (10%) y America Central (6%) tambe a mustra crecemento modera.
E incremento den demanda for di Asia particularmente a beneficia Suramerica y den menor grado Caribe. Compra di exterior di Merca a stimula crecemento den exportacion di Mexico y algun pais di America Central. E recuperacion den demanda intraregional Tabata fuerte pa paisnan di Suramerica y di Caribe.
