Panico y contaminacion ta duna impulso na e mercado di mascara di proteccion. E negoshi ta bayendo bon na Asia, unda e miedo di virus di China ta cabando cu suministro y yudando haci uzo di mascara algo normal.

Demanda di mascara pa cara y likido desinfectante pa man a aumenta, como residente local y bishitante di China ta cumpra e productonan aki pa proteccion. Fabrica ta purando pa aumenta e produccion na medida cu ta aumenta e cantidad di infeccion y morto pa e virus nobo cu a haya pa prome biaha den e ciudad central di China, Wuhan.

Na algun parti di Asia, e uzo di mascara a bira un obligacion. “E benta di producto desinfectante y mascara a aumenta siman pasa. Prome tabata turista Chines cu a bin nos tienda pa cumpra e productonan y hiba nan bek. Nan a cumpra en cantidad grandi, dos of tres caha pa persona”, segun Varumporn Krataitohg, cmpleado di un botica den Bangkok central.

E brote a cuminsa prome cu aña nobo Lunar Chines, momento den cual decenas di miles di turista Chines ta bishita Thailand, Hapon y otro partinan di Asia. Demanda a aumenta cu 80% cuminsando cu e aña nobo weekend ultimo, segun Varumporn.

Ciudadano Hapones frecuentemente ta bisti mascara di ciruhano pa protege contra alergia of griep. E rekinan na algun tienda tabata bashi mientras oficialnan di Salud Hapones a confirma cuatro caso di e Novel Coronavirus na e pais.

Benta di habon, hand sanitizer y mouthwash a mas cu duplica, segun compania mama di CU, BGF. En general sinembargo, no tabatin señal inmediato di escaces mayor na Sur Korea, unda a reporta cuatro caso di e malesa. Igualmente na Taiwan, gobierno a bisa cu tin suficiente mascara y cu capacidad di produccion diario, di 1.88 miyon mascara, por aumenta na 2.44 miyon pa enfrenta cualkier aumento den demanda.

Uso diario di mascara, antes unicamente na Hapon y algun parti di China afecta pa tormenta di santo of smog, awo a expande, principalmente pa motibo di contaminacion di aire cu ta empeorando. Na Filipinas, unda no a reporta caso di e virus, e erupcion recien di e volcan Taal a causa cu hopi hende a bisti mascara pa protege contra as.

Indonesia, e tercer pais mas pobla tras di China y India, no a confirma ningun caso di e virus. Riba peticion di su embahada, ta mandando dies mil mascara na China pa distribui na Indones bibando eynan, segun Agus Wibowo, vocero di Ministerio di Salud.