Riba diamars 24 di mei 2022 e Secretario di Estado di Asuntonan di Reino, señora Alexandra van Huffelen, a bishita Gobernador di Aruba, Su Excelencia Alfonso Boekhoudt.
Durante di e audiencia na Cas Ceremonial a papia tocante e Secretario di Estado su encuentro na Centro di Bario Dakota dialuna anochi cu organisacionnan social di Aruba, tocante e proposicionnan pa e leynan di consenso COHO y supervision financiero cual Parlamento a emiti un relato di dje riba 20 di mei. Tambe a toca e tema di descuento riba salarionan di ambtenaar y e conseho di College Aruba financieel toezicht tocante e presupuesto di e pais pa 2022.
Señor Henk Brons, director-general di Relacionnan di Reino, señor Erwin Arkenbout, Representante di Hulanda na Aruba, Corsou y Sint Maarten y señor Michiel de Graaf, Senior Beleidsmedewerker na VNO a acompaña señora Van Huffelen durante di e bishita aki.
Despues di a haci algun bishita di trabao mas na Aruba, ayera atardi e delegacion a continua nan biahe pa Corsou.
Potret: © Kabinet Gouverneur Aruba.
