(NLTimes) – Hospitalnan na Hulanda no a logra exito den purba duna e cuido di salud cu a ser atrasa como resultado di e pandemia di coronavirus. Mientras e total di pashent hospitalisa pa COVID-19 a disminui cu mas di mita, y e infeccionnan nobo tambe a keda disminui, otro variante di coronavirus a cuminsa avansa den e pais.

“Den añanan recien, tin varios periodo durante e pandemia unda cu tabatin menos caso di coronavirus,” segun Dutch Healthcare Auhority (NZA). “Durane e periodonan aki, NZa a premira cu nan lo por duna tur e cuido atrasa, sinembargo esaki no a tuma luga.” Nacionalmente, e cantidad di persona wardando pa ricibi tratamento pa un hospital no a cambia for di juni te cu augustus.

E oranan di espera por hasta aumenta, cu hospitalnan bahando e cantidad di cuido plania den simannan recien. Solamente 41 porciento di hospitalnan actualmente ta operando na capacidad completo, segun 52 porciento den juni. Ademas di esaki, e retraso den provee cuido di salud mental na facilidadnan di GGZ tambe a cuminsa aumenta.

E organisacion a bisa cu e oranan di espera ta varia di region pa region, mientras cu e personanan ausente na trabao ta riba e averahe. Falta di empleado di corto tempo ta den aumento, mientras cu e personanan cu ta kitando for di trabao ta permanece halto. Cu diferencianan regional nificando cu tin capacidad disponibel den otro regionnan, NZA a bisa cu proveedornan di cuido di salud, seguronan y otronan den e sector mester traha mas den ekipo pa asina elimina e retraso.

Tabatin 511 pashent cu COVID-19 den hospitalnan Hulandes riba diamars. E figura aki a baha cu 12 porciento den un siman. Durante e ola actual, e hospitalisacionnan a yega un total di 1,149 persona 6 siman pasa.

E total actual di pashent ta inclui 31 persona den cuido intensivo, cual a disminui di 41 siman pasa. E otro 480 pashent ta den piso general, compara cu 539 di siman pasa. Figuranan di LCPS ta mustra cu 57 pashent cu e malesa a ser hospitalisa durante e 7 dianan, cual a baha di 69 den e siman anterior.

Monitor di awa di pos a mustra cu e cantidad di particula di coronavirus den e awa a permanece practicamente mesun cos desde 8 di augustus. Di 15 pa 21 di augustus, e nivel di e particulanan tabata lo mas halto na Amsterdam-Amstelland.

Mientras e variante Omicron BA.5 ta permanece esun mas dominante na Hulanda, e cantidad di infeccion di BA2.75 a den aumento. Yama Centaurus, e ta otro sub-variante di e variante Omicron. El a bira e variante mas dominante na otro paisnan manera India.

“Na Hulanda, nos ta mirando un aumento recien di e variante aki. Si e aumento aki lo sigui lo bira cla den e simannan binidero,” RIVM a bisa. Esaki por causa tambe un aumento den e cantidad total di infeccion, aunke te ainda ta mucho trempan pa specula.

“BA.275 aparentemente por evadi e defensa contra COVID-19 pa causa di mutacionnan chikito y specifico. No tin indicacion cu e variante aki ta mas contagioso cu e otro variantenan di Omicron te ainda.”