No a dura largo cu atrobe un negoshi ta bira victima di atraco. Segun informacion den media riba 17 di juli 2017 dos homber di habla spaño ta atraca trahador di Nature’s Discount na Seroe Blanco.
Hecho ta cu hopi atraco na Aruba a wordu cometi door di “turista” tambe pues pa esey partido CURPA tambe tin un solucion. Ta asina cu actualmente tin e asina yama “carta di garantia” den cual un garantsteller ta firma pa para garantia pa un persona di afor. Den a carta di garantia ki e garantsteller ta para garantia pa e tur e gastonan di e turista pa alohamiento, cuminda y gastonan pa Pais Aruba. Problema di esaki ta cu e no ta inclui e paramento di garantia di e garantsteller pa tur daño financiero di negoshinan of personanan causa door di e turista pues partido CURPA lo inclui e garantstelling specifico aki tambe. Esaki lo duna tur e victimanan di atraco un base legal pa a lo menos por cobra un parti bek di e daño causa door di e “turista” criminal.
Pero reglanan no tin sentido sin aplicacion pues ta importante cu e garantia wordu aplica tambe ora ta necesario. Esey lo kermen cu si un turista comete atraco cu e garantsteller di e turista lo mester paga e gastonan di KIA tambe. Pa preveni entrada y salida liber di criminalnan partido CURPA lo introduci un vingerafdruk scan di tur persona cu no ta residente di Pais Aruba. Esaki lo facilita e deteccion door di polis. Si introduci un chekeo cu un turista cu kier sali, a drenta Aruba tambe, por evita cu atracadornan cu a drenta Aruba via di lama por sali via di aeropuerto foi Aruba.
Keda pendiente tambe di nos siguiente articulo “Vol is Vol” parti 4 y ultimo parti di e Maneho di Stranheria, den cual nos lo publica e medidadanan único y efectivo cu partido CURPA lo tuma pa preveni y combati ilegalidad y entrada ilegal na Nos Pais Aruba.
