Despues di su reunion general di miembrecia riba Diahueps 24 di maart 2022 unda a elegi e hunta di directive di Aruba Trade and Instustry Association (ATIA), durante prome encuentro di e hunta di directiva nobo a eligi e hunta di directiva diario esta e “Daily Board” pa 2022 – 2023.
Mester indica cu e “Daily Board” ta wordo forma pa e siguiente posicion nan: Presidente, Vice Presidente, Tesorero, y Secretario. E hunta a reeligi Sr. Frank Snijders y Sra. Gina Habibe como presidente y vice-presidente respectivamente. E otro posicionnan eligi ta: Sr. Tristan Every – Tesorero, Sr. Enrique “Tito” de Cuba – Secretario. Tambe a eligi e reemplasante nan di e tesorero y secretario kendenan ta Sr. Andrew Harms y Sr. Matthijs Bijen respectivamente.
Director di ATIA ta sumamente contento cu e “Daily Board” cu lo dunele guia den aña 2022, sigur un aña yen di reto, entre otro e reformanan indica den e “Landspakket” cu tin efecto directo y indirecto riba comercio y economia di Aruba.
Banda di e retonan ATIA lo organisa diferente evento nan pa miembro y pa publico. Algun di e eventonan pa aña 2022 ta diferente business mixers, un “Leadership Conference” y varios workshops. ATIA ta suplica pa sigui nan riba nan rednan social pa tur informacion.
Riba 25 di april ATIA a organisa un zoom workshop exclusivamente pa su miembro nan hunto cu Holland House Bogota, unda a duna informacion y asina habri portanan pa comerciantenan Arubiano traha cu empresanan na Colombia of expande nan mes empresanan den mercado Colombiano.
ATIA
Aruba Trade and Industry Association (ATIA) a wordo funda na aña 1945 y ta e organisacion principal cu ta representa empresanan, empresarionan y comercio na Aruba. E meta di ATIA ta pa defende, promove y proteha e interesnan di su miembronan y comercio di Aruba en general. Pa mas informacion por bishita www.atiaruba.org of nos rednan social www.facebook.com/arubatrade, www.instagram.com/atiaruba, y https://www.linkedin.com/company/aruba-trade-and-industry-association
