Despues di e presentacion na parlamento riba e tema di mas fondo pa malesa pa SVB y cu e informacion ey a wordo divulga, por bisa cu ATIA no ta contento cu e pensamento di SVB pa loke ta e aumento di “premie loongrens” pa sanea fondo di seguro di malesa. ATIA ta di opinion cu ya comercio no por carga esaki mas. Esaki Michel Henriquez presidente di ATIA a duna di conoce.
“Den corant a tuma nota di e pensamento di SVB pa locual ta trata e prima di loongrens, cual un biaha mas ATIA no a wordo informa di nada. Esaki ta un otro peso mas pa comercio y mi ta kere cu lo ta na su luga pa yama nos riba esaki. Nos ta bay pidi un reunion si cu SVB pa haya un idea ta kico nan kier haci, esaki ta bay ta un otro peso pa comercio cu no a spera, cu probablemente ta bayendo 2016 cu extra gasto. Mi ta kere cu ta yega momento cu esaki ta bay cuminsa costa comercio cupo nan di trabou y tambe cosnan ta bay bira mas caro.”
A trece e situacion dilanti di si den futuro e ley aki pasa, pues cu SVB mester di fondo pasobra gobierno no tin esey den presupuesto 2016 hinca. A puntra Sr. Henriquez kico consecuencia e por trece pa e doño di trabou. El a bisa cu e problema ta cu mas cos ta bay bin, ainda no a tende nada mas for di minister encarga cu financia riba esakinan. “Pues locual cu ta bisando pa basta tempo caba ta, cu e gasto nan pa comercio ta birando mas halto y cu si sigui asina e ta bay cuminsa costa empleo. Algo cu bo por bisa kico cu bo kier pero si o tin empleo no tin entrada tampoco. Bo por subi loongrens, bo por subi e prima, pero si no tin trahado e problema lo keda crece. nos a yega e limite di gasto pa comercio un par di aña atras caba no tin espacio mas. E tipo di cosnan aki mester wordo treci na tempo pa wak con por yega na areglo of discusion pasobra ta e doño di trabou tin cu bay carga esaki un biaha mas, y mi n ta kere cu tin espacio mas,” Sr. Henriquez a termina bisando.
