Autoridadnan di e pais a faya den e advertencia di agencia di inteligencia ora cu a duna informacion di menasa pa un atake di un grupo musulman cu a ocasiona bom riba diadomingo.
E bomnan a explota den misa na St. Anthony’s Shrine un misa catolico na Kochcikade, Colombo, St. Sebastian’s Church na Negombo noord di Colombo, y Zion Church na Batticaloa, oost di Colombo y hotelnan Shangri-La, Kingsbury, Cinnamon Grand. 7 persona cu a carga bom suicidio di un grupo militante cu yama National Thowfeek Jamaath, asina e minister di salud Rajitha Senaratne a bisa. Mas durante oranan di atardi 7 explosion a tuma luga na Tropical Inn guest house cera di un zoologico na Dehiwala.
Autoridad ta confirma 290 morto y un 500 persona herida den e atakenan. Mayoria di e personanan aki ta di Sri Lanka mes, pero 31 persona ta di otro paisnan.
E gobierno ta culpa un grupo di jihadista local conoci como National Thowheed Jamath cu ta ser bisa cu nan tin apoyo di red internacional. Autoridad a detene 24 persona den cu serie di razzia di cual 13 a ser deteni diadomingo mes.
E minister Ruwan Wijewardene a describi e sospechosonan deteni como extremistanan religioso. Tabata tin 8 explosion cu a sacudi e islanan den e Indian Ocean diadomingo ultimo cu ta e prome atake grandi desde e fin di decada di e guera largo entre Marxist Tamil Tigers organization 2009.
Tin varios Americano den e morto nan, tambe di Gran Bretaña, India, China, Hapon y Portugal. Mayoria di caya ta cera y sin hende pero cu gran cantidad di soldaat y polis vigilando.
E prome minister Ranil Wickremesinghe, a bisa cu autoridadnan ta al tanto di e informacion tocante e posibel atakenan, pero no a actua. Un emergencia na full e pais, cu lo duna polis y militarnan e poder pa detene y interoga sospechosonan, esaki a cuminsa desde dialuna marduga.
Den e atake biyonario di Denamark Anders Holch Povlsen a perde 3 di su 4 yiunan , cu tabata di bishita na Sri Lanka pa e fin di siman di Pasco grandi. Un homber Britanico tambe a confirma cu el a perde su casa y su dos yiunan uno di 11 aña y otro di 14 aña di edad ora cu un bom a explota den e restaurant na Shangri-La hotel . E mortonan di personanan di India ta subi di 7 pa 8 persona
