SOMALIA – Homber cu arma a inicia un atake suicida cu un auto bom, y despues a asalta un edificio di gobierno na e capital di Somalia, matando 5 persona, incluyendo e vice minister di trabou na e pais, segun autoridad ta informa.
Esaki ta e atake entre extremista Islamico y problematico nacion Africano. Despues di ora largo di tiramento, forsanan di siguridad di Somalia a tuma control di e edificio na Mogadishu, for di sikiera cinco atacante, kende a drenta forsosamente den e edificio di gobierno cu tin e ministerionan di labor y trabounan publico, segun capitan di polis Mohamed Hussein a bisa AP.
Saqar Ibrahim Abdalla, vice minister di trabou y asunto social di Somalia, a wordo mata den su oficina den e planta abou. Autoridad a informa cu mas o menos 10 persona a resulta herida den atake, di cual grupo extremista al- Shabab, vincula cu Al Queda, a tuma responsabilidad.
Varios persona tabata den e edificio na e momento ey, ya cu diasabra ta considera un dia di trabou. E edificio no ta leu di sede di agencia di inteligencia di Somalia. Mientras cu atake tabata tuma luga, hende por a tende tiro y mira e huma blanco cu tabata sali di e escena, segun testigo.
Al-Shabab, e grupo extremista Islamico mas activo di Africa, luchando pa añanan largo pa tuma poder y crea un estado Islamico na Somalia. Frecuentemente e ta ehecuta suicidio bomba riba espacio publico, hotelnan y oficina di gobierno, a pesar di ta wordo pusha fuera di Mogadishu. Principalmente, ta opera den area rural sur di e pais.
