Un atake cibernetico a dal organisacionnan rond mundo incluyendo UK National Health Service, un atake cual segun autoridadnan Europeo ta esun di mas grandi den historia. Europol a haci un peticion pa un “investigacion internacional compleho” de inmediato pa identifica kende tabata tras di esaki. Paisnan Europeo, incluyendo Rusia tabata esunnan cu a hay’e mas pisa. Na Inglatera, un total di 48 organisacionnan nacional di salud a wordo afecta, di cual seis ta bek den normalidad segun Amber Rudd, secretaria nacional. E atake a paralisa hospitalnan, dokternan no por a yega na data di pashent y mester a cancela cantidad di operacion y consultacionnan medico. Ministerio interior di Rusia a laga sa cu 1.000 di nan computer a wordo infecta, pero a elimina e virus sin perhudica ningun data. Algun reportahe ta bisa cu Rusia a wordo afecta mas cu otro paisnan.
