Un atake aereo riba un centro di detencion di migrante cerca di capital di Libia, Tripoli a mata 44 persona y a herida mas di 130, cual hefe di derecho humano di Nacionnan Uni a bisa cu por considera como un crimen di guera.
Ta crea preocupacion tocante e politica di Union Europeo di coopera cu e milicianan di Libia cu ta tene migrantenan den centro di detencion cu mal condicion pa evita cu nan crusa e Mediteraneo buscando un miho bida na Europa. Mayoria di nan a keda deteni pa Warda Costa Libio, cu fondo y training di UE pa para e fluho di migrante.
No ta cla ainda kende ta esnan responsabel, pero ta sospecha cu ta pais stranhero conhunto cu Khalifa Hifter, general di Libia.
Pais cu ta yuda Hifter ta Emirato Arabe Uni, Egipto y Rusia. Gobierno di sede na Tripoli a culpa e atake riba militar nacional di Libia di Hifter y ta pidi pa Merca investiga. E atake tambe por ocasiona mas presion.
Vocero di forsa di Hifter no a contesta na yamada di telefon of mensahe, ni a duna comentario. Medio local a informa cu tambe tabatin atake contra un campamento militar cerca di centro di detencion, na bario di Tajoura, Tripoli.
Mediconan Sin Frontera a bisa cu e cel di detencion cu a wordo destrui tabatin capacidad pa 126 migrante. Coordinador y dokter di Libia di grupo di yudansa a bisa cu ekipo a bishita e centro di detencion algun ora prome cu e atake, y a bisa cu e sobrevivientenan ta teme pa nan bida y ta pidi evacuacion inmediato for di e centro di detencion.
Agencia di refugiado na Merca ta condena e atake y ta pidi pa hiba e migrantenan for di Libia. E pais a bira importante pa migrante crusa pa Europa. Como seis mil migrante di Eritrea, Etiopia, Somalia, Sudan y otro nacion ta cera den decena di centro di detencion na Libia, dirigi pa militar acusa di tortura y otro abuso.
Agencia di refugiado di Merca a bisa cu mas di 3.000 migrante ta core peliger, pasobra nan ta haya nan den centro di detencion cu ta den e liña di combate.
