Atake aereo cu obhetivo di un convoy militar di Turkia paden di Siria, a mata 3 persona civil y herida 12 otro persona, segun Minister di Defensa di Turkia a bisa. Sinembargo, Siria a bisa cu e convoy Turco tabata hibando municion na rebeldenan, kende a sufri perdida e luna aki durante un ofensiva di gobierno pa tuma nan ultimo teritorio den e pais.
E Ministerio Turco a bisa cu e a ataca e convoy ataca ora nan tabata bayendo un luga di observacion, den e provincia di Idlib controla pa rebelde. Sinembargo, Ministerio di Relacion Exterior di Siria a bisa cu e convoy tabata pa entrega municion importante na un ciudad controla pa rebelde, Khan Sheikhoun, cu ta haya den e prome liña di combate.
E ciudad ta un fortalesa di grupo militar conecta cu Al Qaeda, Hayat Tahrir al-Sham, e grupo mas poderoso na area controla pa rebelde. E movemento di Turkia na Idlib ta un mensahe di Ankara pa no laga forsa Sirio captura Khan Sheikhoun.
Gobierno di Siria of avion di Rusia a ataca di cerca e convoy. Declaracion di Ministerio di Defensa di Turkia a condena e atake aereo y ta contra un acuerdo existente pa cooperacion di dialogo cu Rusia.
Segun activista di Siria, e atake a golpia di cerca e caminda unda e convoy tabata bayendo. Agencia di noticia priva, DHA di Turkia a bisa cu avion di gobierno Sirio ta esunnan cu ataca.
